ECON.hk

理念

希望可以建構一個理想嘅線上學習平台俾各位考生，並助你喺公開試中取得佳績。

請容我分享樣嘢。曾經自己作為考生嘅時候，成日上網去搵各種資源，但往往無辦法有系統咁學好一樣嘢。而又討厭傳統補習嘅唔自由，因此漸漸認識咗online class呢樣嘢。

難過嘅係，喺市面上搵唔到符合我想像嘅online class，例如有啲明明係片但要特登去center睇、有啲直播但唔可以重溫、又有啲淨係擺條片出嚟，想問都無得問嘅。

因此，我希望可以完全發揮倒online class嘅優勢，同時結合傳統補習嘅資源、私補嘅單對單，期望提供一個高性價比嘅選擇各考生，幫大家更了解經濟呢一科，並喺公開試取得佳績。

Hello 可以叫我 CCH～

喺一間Band 1中學畢業

而家係香港中文大學商學院學生

2022DSE有四科取得5-5**

其中選修科目成績如下

ICT 5** // GEOG 5* // ECON 5*

其實我並唔係長期名列前茅嘅人

但正因如此加埋我都係學生

我更知道一般學生嘅思維

更明白點可以一步一步咁進步

喺呢三科elective入面，點解揀咗經濟呢？其實經濟由我中四開始已經係好鍾意嘅一科，亦都覺得成個中學入面唯一終生有用嘅知識只有經濟，因此希望都可以幫各位拎一個更好嘅成績。

我會形容自己做一個好鍾意學嘢同對世界抱有好奇心嘅人，呢個網站就係證據。一步一步自己摸索，由租網址、起server、學編程、寫網頁、伺服器保安、處理各種IT問題，到睇熟所有DSE卷、再寫筆記、作模擬題目、學整動畫、學剪片、學錄音，同埋做行銷、落廣告、處理公關問題etc

其實每樣技能要學識都唔簡單，而要一個人組織倒呢樣嘢出嚟，只有係興趣同埋鍾意呢樣嘢。雖然已經盡力做到完美，但有啲地方仲有待改善，還請大家多多包涵。（都借呢個位記錄下自己做過嘅嘢啦xdd）

所以我為嘅係咪錢，應該大家都知啦。為錢的話，我將學咁多樣嘢嘅時間、整筆記同影片嘅時間，拎去做私補，賺嘅可能仲多過而家幾倍。如果要呃呃氹氹嘅，又點會比你30日內無理由退款呢（仲要自己倒蝕信用咭手續費添）。

只能話我已經盡能力、畀心機，希望可以構建一個我理想中嘅online course平台。至於願唔願意試下，自己決定啦:>